Home . Aktualitet . Bota . Vendimi i Trump-it mbi Jerusalemin, e gjithë bota kundër…përveç Izraelit! Reagime…

Vendimi i Trump-it mbi Jerusalemin, e gjithë bota kundër…përveç Izraelit! Reagime…

I vetmi që ka qenë krah Trump-it për njohjen e Jerusalemit kryeqytet të Izraelit, ka qenë, krejt natyrshëm, vetëm kryeministri Netanjahu. Reagimet e tjera nga e gjithë bota, përfshirë dhe kancelaritë europiane, janë shprehur kundër aktit të presidentit amerikan.

Presidenti palestinez Mahmud Abbas tha se vendimi amerikan është kundër të gjitha vendimeve dhe marrëveshjeve ndërkombëtare dhe dypalëshe.

Loading...

Ai tha se vendimi i Trump është inkurajim për okupim dhe kolonizim dhe do të minojë rolin e Shteteve të Bashkuara si ndërmjetës i paqes.

Para fjalimit të Trump në Shtëpinë e Bardhë, udhëheqësit arabë dhe muslimanë paralajmëruan për dhunën e mundshme që mund të pasojë pas një vendimi të tillë.

Qindra palestinezë dogjën të mërkurën flamujt amerikanë dhe izraelitë, si një protestë kundër vendimit. Ata gjithashtu e quajtën Jeruzalemin “kryeqytetin e tyre të përjetshëm”.

Loading...

Sekretari i Përgjithshëm i OKB-së, Antonio Guterres tha se nuk ka alternativë për një zgjidhje “dy shtete” midis Izraelit dhe palestinezëve dhe se Jeruzalemi është një çështje që duhet të zgjidhet në bisedime të drejtpërdrejta lidhur me statusin përfundimtar.

“Gjithmonë kam qenë kundër masave të njëanshme që do të rrezikonin perspektivën e paqes mes izraelitëve dhe palestinezëve”, tha ai pas vendimit të Trump-it për të njohur Jerusalemin si kryeqytetin e Izraelit.

“Në këtë moment të shqetësimit të madh, unë dua të jem i qartë: nuk ka alternativë për një zgjidhje ‘dy shtete’. Nuk ka ‘Plan B’,” u tha Guterres gazetarëve, raporton Reuters.

Ai gjithashtu shtoi se do të bëjë gjithçka për të mbështetur udhëheqësit izraelitë dhe palestinezë që të kthehen në negociata kuptimplote.

Përfaqësuesja e lartë e diplomacisë europiane, Federica Mogherini tha se”BE është shumë e shqetësuar për deklaratën e bërë nga presidenti amerikan, Donald Trump, për Jerusalemin si kryeqytet izraelit”.

Presidenti francez Emmanuel Macron tha se Franca nuk e mbështeste vendimin e Trump.

Ministria e Jashtme e Turqisë dënoi vendimin e SHBA-së për të njohur Jerusalemin si kryeqytetin e Izraelit si “të papërgjegjshëm” dhe i kërkoi Shteteve të Bashkuara ta rishqyrtojë atë vendim.

Shefi i diplomacisë turke, Mevlut Cavusoglu e dënoi këtë veprim dhe tha se një vendim i tillë është një shkelje e hapur e së drejtës dhe rezolutës ndërkombëtare të OKB-së.

Egjipti hedh poshtë vendimin e SHBA-së për Jerusalemin, tha ministria e jashtme egjiptiane, duke shtuar se njohja e Jerusalemit nga Trump si kryeqytet i Izraelit nuk ndryshon statusin ligjor të qytetit, raporton Reuters.

Ministria e jashtme iraniane tha se Irani “dënon seriozisht” një vendim të SHBA-së, i cili shkel rezolutat ndërkombëtare.

Arabia Saudite gjithashtu shprehu kundërshtim ndaj masës së Trump, duke deklaruar se ai “provokon ndjenjat muslimane anembanë botës”.

Katari vlerësoi gjithashtu se vendimi për të lëvizur ambasadën amerikane në Jeruzalem është “një përshkallëzim i rrezikshëm dhe një dënim me vdekje për të gjithë ata që duan paqe”.

Mbreti jordanez Abdullah II shprehu shqetësimin në bisedën telefonike me Trump-in, të cilit i tha se shpërfillja e të drejtave të palestinezëve, muslimanëve dhe të krishterëve në Jerusalem vetëm mund të shkaktojë përhapjen e ekstremizmit.

Libani gjithashtu paralajmëron se vendimi i Trump po kërcënon procesin e paqes dhe stabilitetin në rajon. /tesheshi.com/

Protesta në Gaza

 

Në rrugët e Rripit të Gazës po mbahen protesta kundër vendimit amerikan për Jerusalemin.

 

Me ftesë të Hamasit në veri të Rripit të Gazës, po mbahen protesta në të cilat po mbahen flamujt palestinezë, si dhe transparente në mbështetje të Jerusalemit, raporton Anadolia.

Qindra demonstrues dënuan vendimin e Trump për të njohur Jerusalemin si kryeqytetin e Izraelit dhe për të lëvizur ambasadën amerikane në Jerusalem.

Muhammed Ebu Asker, përfaqësues i Hamasit, theksoi se Jeruzalemi do të mbetet edhe më tutje një qytet musliman.

“Sado gjatë që të zgjasë okupimi, Jerusalemi do të jetë gjithnjë mysliman”, tha Asker.

Ai u kërkoi të gjithë muslimanëve të mbështesin Palestinën dhe Jerusalemin.

“Çështja e Jerusalemit është më e rëndësishme sesa çështja e Palestinës, sepse ajo është një çështje islame”, tha përfaqësuesi i Hamasit.

Komento
Loading...
Mos Humbisni:
Aksident i rëndë në Bulqizë, makina bie në lumin Mat

Close